Emakumeak eta gazteak ikusarazteko ahalegina egin dutela aurten adierazi dute antolatzaileek, horregatik, sari nagusietako hiru emakumeei emango diete. Miriam Urkiarekin batera jasoko dituzte sariak Miren Agur Meabe idazleak, Atea-Laboral Kutxa Saria (John Banville ingelesarekin batera), eta Miren Amuriza bertsolari eta idazleak, Zazpi Kale Saria.
Bilboko Liburu Azokaren 49. aldia zabaldu dute gaur, eta 55 erakusmahai jarri dituzte han, besteak beste, Euskaltzaindiarena. Azokan ematen duten Urrezko Luma saria aurten Miriam Urkia aretxabaletarrak jasoko du. Ekitaldia astelehenean da, 11:30ean, Areatzako topagunean.