2019ko urtarrilean itxi zituen Eroskik 2018 ekitaldiko kontuak eta "emaitzak positiboak" izan dira. Etekina 1,6 milioi eurokoa izan da, aktiboen balorazioen ezohiko emaitzek eta finantza tresnen kontularitza arauak aldatu izanak eragina izan dutelarik. Hala ere, Eroskiko arduradunek adierazi dute, 2018an etekin operatiboa ere hobetu egin dela, zortzigarren urtez jarraian.
Irekierak eta eraldaketak
Eroskik 2018.urtean zurekin eredua eraldatzen jarraitu du, hori izanik belaunaldi berriko denden ezaugarria. Guztira, 670 denda eraldatu dira. Taldeak nabarmendu du, 5.393 milioi eurotara igo direla salmentak. Modu horretan, Eroskik sendotu egin du iparraldean eta mendebaldean duen lidergoa eta eremu horretan egin ditu eraldaketa gehienak.
2018an 58 denda ireki ditu Eroskik: 37 frankizia eta 21 denda propio –5 supermerkatu, 4 gasolindegi, 4 bidaia-agentzia eta 8 Forum Sport kirol denda–. Irekiera horietarako 95 milioi euroko inbertsioa egin du taldeak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
