Domekan jarraituko Goienako hedabideak
Goiena telebista:
19:45etik aurrera zuzeneko saioa, telebistan zein Goiena.eus-en jarraitzeko aukera egongo da. Goiatz Aranak eta Txomin Madinak zuzenduta eta Elena Lakaren eta Mikel Irizarren analisiekin. Horrez gain, Legebiltzarreko parlamentari diren EH Bilduko Maider Otamendiren eta EAJko Aitor Urrutiaren iritzia ere jasoko da. Saioan zehar eskainiko dira hauteskundeetako emaitzen azken orduko datuak, zuzeneko konexioak egingo dira Debagoieneko herrietatik, elkarrizketak protagonistekin...
Goiena.eus:
Grafikak, zinegotzien taulak, balorazioak, aurreko hauteskundeetako emaitzekin konparaketak egiteko aukera... Guztia hauteskundeei eskainitako orrialde berezian.
Sare sozialak:
Unean uneko informazioa: Twitter (@goiena) eta Facebook (Goiena.eus orrialdea).
Eta hurrengo egunean
Goiena aldizkari berezia:
Hauteskundeetako emaitzak, udalbatza berriak, balorazioak, analisiak...
Egunkari saltokietan, taberna eta kafetegietan... lehen orduan, doan! Eta Goiena Klubeko bazkideei etxean.