Kopako txapeldunak Gipuzkoan barrena ibiliko dira

Realeko jokalariak garaikurrarekin. Argazkia: realsociedad.com

Joan den domekan Donostiako udaletxeko balkoian eta Anoetan erakutsi zuten Erregina kopako txapeldunek garaikurra, baina lortutakoa herriz herri erakusteko ordua iritsi da. Hala, Gipuzkoan barrena ibiliko dira eguenean, hilak 16. Eta, Debagoienean Aretxabaletan eta Arrasaten egingo dute geldialdia.  

Ohiturak agintzen duen moduan, Realeko ordezkariek Gipuzkoan barrena erakutsiko dute joan den zapatuan Granadan eskuratu zuten Erreginaren Kopa. Eta, Debagoienean Aretxabaletan eta Arrasaten egingo dute geldialdia, eguenean, hilak 16. Hau da egitaraua:

  • 11:00 – Aretxabaleta
  • 11:45 – Arrasate
  • 13:00 – Beasain
  • 16:30 – Tolosa
  • 17:30 – Urnieta
  • 18:30 – Lasarte-Oria
  • 19:30 – Hondarribia
  • 20:30 – Irun