Granadara joan ziren Realeko zaleen artean Leintz Arizmendi taldeko hainbat jokalari zeuden. Eta bertatik bertara bizi ahal izan zuten historikoa izan zen garaipena: "Izugarria izan zen atzokoa, polita eta hunkigarria guztia", adierazi dute gaur.
"Gauen bakarrik ez, egun guztiko jaia izan zen. Partiduan, ostera, geratu barik animatzen saiatu ginen, pentsa, ahotsa ere bertan utzi genuen". Oihana Aldai atezain aretxabaletarrari, Arizmendiko zein Mondrako jokalari ohiari, besarkada bat eman ahal izan zion taldeko batek edo bestek.
Eta gaineratu dute: "Bukatutakoan elkartutako Realzale askorekin batera zerbait hartu eta etxerako bidea hartu genuen".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.