Asko eta garbiegiak ez, baina bi taldeek izan dituzte aukerak gola egiteko.
Bigarren zatian, arauzko denbora betetzeko hamabi minuturen faltan, bat gutxiagorekin geratu da Mondra, Jon Mendietak atzealdean huts egin eta aterantz zuzen zihoan aurkaria heltzeagatik txartel gorria ikusita.
Ez da, ordea, igarri, eta Aloñari luze egin zaio partidu amaiera –90. minutura iristear, gainera, Aloñak ere galdu du jokalari bat, Gaizka Irizar, bigarren txartela ikusita–.
Azken jardunaldian Urola liderra hartuko du Azkoagainen Aloñak. Sailkapenean edozer gerta daiteke: lehenengo, bigarren zein hirugarren izan daitezke oñatiarrak. Baina bigarrena den Lagun Onakek Lazkaon –sailkapeneko putzuan dago– irabaziko balu, Urolari bi goleko aldearekin irabaztea beharko luke Aloñak, bigarren izan eta igoerarako promozioa jokatzeko –eta azpeitiarrak igoko lirateke zuzenean–.