Bergarak bigarren postuan dagoen Anaitasunaren bisita izango du zapatuan (17:00, Agorrosin) eta Mondrak eta Aretxabaletak kanpoan jokatuko dute: Irunen arrasatearrek (12:30) eta Zarautzen, berriz, aretxabaletarrek (16:30).
Erregional Preferentean, berriz, saltsa polita dago mailaz igotzeko borrokan dabiltzan Urolaren (59), Lagun Onaken (57) eta Aloña Mendiren (56) artean. Oñatikoak Lagun Onaken kontra garaipen ederra eskuratzetik datoz (1-2) eta domekan (16:30, Azkoagain) ezingo dute Soraluzeren kontra hutsik egin. Hiru jardunaldi baino ez dira geratzen, eta azken jardunaldian Aloñak Urola hartuko du etxean.
