Eduardo Zubiaurre izango da Confebaskeko presidente

Adegi patronalak proposatu du Eduardo Zubiaurre izatea Confebaskeko presidente. Elgetan bizi den eibartarra Jaz Zubiaurre enpresaren kudeatzailea da, eta Roberto Larrañagaren lekua hartuko du udan. Aurretik ere izan zen Adegiko presidentea sei urtez (2006-2012), baita Elgetako Gu Geu Elgeta taldeko zinegotzi ere azken agintaldian, kargua utzi zuen arte martxoan.

Confebasken estatutuen arabera, lurralde bakoitzeko patronalek txandaka proposatuko dute presidentegaia. Hala, oraingoan Adegiren txanda da, eta batzorde exekutiboak eta kontseilu erretoreak duela bi aste egin zuten Zubizaurreren alde hainbat komunikabidek adierazi dutenez. Oraingo presidente den Roberto Larrañagak uztailean bukatuko du lau urteko agintaldia, eta orduan etorriko da aldaketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.