Gipuzkoako bertsolari gazteen finalean, hiru debagoiendar

Oihana eta Haizea Arana ahizpak Aitor Tatiegirekin, iaz Lasturren jokatu zuten finalean.

Gaur, egubakoitza, Lasturren jokatuko den Eskolartekoaren finalean izango dira Eskoriatzako Oihana eta Haizea Arana ahizpak eta Aitor Tatiegi oñatiarra. Iaz ere hirukote bera heldu zen Lasturko saiora, eta Oihana Aranak jantzi zuen txapela.

Beste aldietan moduan, afalostean egingo dute saioa, eta zortzi bertsolarik jardungo dute. Debagoienekoek lehiakide ezagunak izango dituzte gaurko saioan lagun: Uxue Alkorta, Aner Peritz Euzkitze, Imanol Albizu, Igauri Lopetegi eta Maddi Aiestaran.

Otsailean abiatu zuten Eskolartekoa, eta, urtero moduan, Saran borobilduko dute ekimena. Aurten, ekainaren 8an izango da herrialde guztietako bertsolariak, bertso-eskolak eta zaleak batuko dituen finala. Iazkoan, Aranarekin batera, Aramaioko Aitor Ugarte Erizek ere hartu zuen parte, Arabako ordezkari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.