Zuri-moreendako urteko azken partidu garrantzitsua izango da, irabaziz gero matematikoki kategoriari eutsiko diote eta: "Sailkapenean atzetik lau talde gehiago izatea garrantzitsua da, ez dakigu-eta zenbat taldek galduko duten maila. Segurua dena da azken bosgarrenak ez duela mailarik galduko", dio Josu Herrerok.
Oraingoz, postu horretan daude zuri-moreak, baina Muskiz bi puntura baino ez dago: "Muskizek liga jokoan duen Urkulizen kontra jokatu behar du. Normalena galtzea izango litzateke, baina... guk gurea egin behar dugu". Oñatikoek, berriz, urteko partidu garrantzitsuenak dituzte aurretik, kasurik txarrenean bosgarren postuan sailkatuko dira eta; izan ere, postu horrek lauko finala jokatzeko aukera ematen die. Fase horretarako taldearen bertsio onena errekuperatzea ezinbestekoa da.