Informazioa pantailetan
Telebistak izan ziren pantaila bidez informazioa ematen lehenak, horren ostean ordenagailuak etorri ziren, eta beranduago mugikor adimendunak eta tabletak, baita smartwatch-ak ere. Pantailak dira informazio iturri nonahi; taberna bateko pintxoak, eskolaz kanpoko ekintzak, autobusaren ordutegia.... Denetarik komunikatzen dute kalean aurkitzen diren pantailek.
Goienaren pantaila zerbitzuari esker, enpresa, erakunde eta bestelako elkarteek euren informazioa eta Goiena.eus-ekoa (Debagoieneko hitzorduak, albisteak, bideoak, argazki galeriak...) pantaila fisikora eraman dezakete. Hau da, bezeroentzat edo herritarrentzat interesgarria den informazioa eskainiko da pantailen bidez; albisteak, hitzorduak eta eskuz editatu daitekeen erakundeen intereseko informazioa.
Horrela, Codesyntax-ek garatutako sistemari esker, denda batek, udal batek, ikastetxe batek, enpresa batek… pantaila fisiko bat kokatu dezake berak nahi duen tokian; beti ere, komunikazio helburuekin. Nahi beste pantaila kokatu daitezke eraikin baten barruan, erakusleihoan zein kaleko hainbat txokotan.
Goienako datuekin martxan dagoen pantaila baten adibidea ikusteko egin klik HEMEN.