Osakidetzak eskaintzen dituen hainbat tresnen inguruko hitzaldiak emango ditu Debagoienako ESIak

Osasuna kudeatzeko erreminta berriak herritarren artean ezagutzera emateko hitzaldiak antolatu dituzte;  bihar, Aretxabaletan eta martxoaren 28an, Arrasaten.

Debagoieneko ESIk hainbat hitzaldi antolatu ditu martxorako. Saio horietan Osakidetzak eskaintzen dituen hainbat tresnen inguruan informatzea da helburua, mugikorretako aplikazioen eta plataforma digitalen erabilera errepasatzea, eta zehatzago esanda, osasun karpeta eta web bidezko hitzordua nahiz Osasun Eskola plataformaz informatzea.

Hitzaldi hauek pertsona adindunei zuzenduta daude, batez ere 59 urtetik gorakoak direnentzat, baina ez diete aterik itxiko Paziente Aktibo tailerretan parte hartzekoak diren horiei. Helburu nagusia, erreminta horien bitartez herritarrek beren osasuna kudeatzeko erraztasunak ematea da, osasun aldetik biztanleria autonomo eta burujabeago bat bultzatuz.

Hurrengo hitzaldia Aretxabaletako osasun zentro alboan dagoen Basotxo erretiratuen elkartean egingo da martxoaren 13an, 11:00etan. Eta hurrengoa Arrasaten izango da, martxoaren 28an, 11:00etan, Kulturaten.

Hitzaldi hauen inguruan interesa daukan edonork eman dezake izena Arrasateko, Aretxabaletako, Bergarako, Eskoriatzako edo Oñatiko osasun zentroetako bezeroen arreta guneetan bertan, eta baita Debagoieneko ospitaleko Pazientearen eta Erabiltzailearen Arreta Zerbitzuan.

Orain artean antolatutako hitzaldi hauetan parte hartze tasa altu bat antzeman dute eta ESI Debagoiena taldearen asmoa, herritarrek interesa jartzen duten bitartean, hitzaldi hauek eskaintzen jarraitzea da.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete