Omenaldi hunkigarriak Aretxabaletan zein Eskoriatzan, eta martxa bat tartean

Eneko Azurmendi 2019ko mar. 10a, 17:00
Deskargatu Info Ahotsak :
es en fr

Hirugarrenez egin dute aurten Aresko martxa. Idoia Elexpuru omendu dute Aretxabaletan, "kirolean izan duen ekintzailetasunagatik", eta Eskoriatzan, berriz, Lidia Garcia yoga irakaslea, "yoga munduan egindako lan eskergagatik". Antolatzaileen esanetan, 500 bat lagun elkartu dira Aretxabaletatik Eskoriatzarako bidea egiteko.

Aretxabaletan 500 lagun inguru elkartu dira antolatzaileen esanetan, Eskoriatzara bitarteko bidea egiteko. Herriko Plazatik atera dira, baina aurretik, Idoia Elexpuru omendu dute kirolean izan duen ekintzailetasunagatik eta parte-hartzeagatik. Unai Elkoro alkateak plaka bat eman dio agertoki gainean, eta gero, Agurtzane Elkoro UDAko presidenteak lore sorta entregatu dio. Omenaldi amaieran, aurreskua dantzatu diote Elexpururi, eta horren ostean hauxe adierazi dio Goienari: "Ez naiz izan ona ezertan; futbolean hasi nintzen eta hamar urte eman nituen bertan bai, baina erdia aulkian edo bankilloan pasa nuen. Bestalde, mendian gustatzen zait ibiltzea, oinez ibiltzea ere atsegin dut, baina poliki ibiltzen naiz eta orain yoga ikasten nabil. Ez du axola ona edo txarra izan, emakumea garrantzitsua da edozein esparrutan, baita kirolean ere."
 

Omenaldiaren ostean, Eskoriatzara abiatu dira herritarrak, Aresko emakumeen saski eskola jartzen zuen pankarta eskuetan hartuta. Hara heltzean, Lidia Garciaren yoga ikasleek omenaldi hunkigarria egin diote, pasillo bat egin, eta yoga posizio ezberdinez osatutako koreografia batekin. Oihana Arana bertsolariak bertso bat eskaini dio –Elexpururi ere bai Aretxabaletan–, eta ostean hainbat opari egin dizkiote, tartean plaka bat ere bai, Joserra Zubizarreta alkatearen eskutik jaso duena. Azkenik, talde argazki bat.  atera dute.  "Ez nuen espero ezer handirik antolatuko zidatenik. Kirol elkarteko kideek abisatu zidaten, baina ez nuen pentsatzen hainbeste ikasle etorriko zirenik. Gasteiztik, Leintz Gatzagatik, Bergaratik, Arrasatetik eta Eskoriatzatik bertatik. Sorpresa handia hartu dut, oso sorpresa pozgarria. Malkoak atera zaizkit, oso hunkigarria izan da. Nik uste dut mundu guztiak merezi duela halako omenaldi bat, baina gaur niri tokatu zait.  Hainbeste jende ezagun ikustea oso polita izan da", adierazi du.

Kirola Aretxabaleta Eskoriatza
Erlazionatuak
Aresko martxa, argazkitan
Aresko martxa, argazkitan

Eneko Azurmendi 2019 mar 10 Aretxabaleta   Eskoriatza

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak

Tokikom logotipoa
Gertuko informazioa, euskaraz
Tokikom publizitatea