Martxoaren 8rako motorrak berotzeko elkarretaratzea egin dute Elorregin

Eskualdeko talde eta batzorde feministek deituta giro onean egin dute elkarretaratzea gaur, domeka, eguerdian, Elorregin. Oinez zein bizikletan egin dute bidea askotariko adin eta profiletako emakumeek elkarrekin, Martxoaren 8ko greba egunerako motorrak berotzeko, herri ezberdinetako ordezkariak elkar ezagutzeko eta emakumeen eta berdintasunaren aldeko aldarrikapenak bistaratzeko. Biharko, astelehena, 'Hemen Debagoiena' saioan eskainiko da erreportajea.