Bergararraren bikoteak partidu bikaina jokatu zuen atzokoan Zubikoan. Elezkano II.ak eta Rezustak 14-22 irabazi zuten ligaxkako azkeneko jardunaldia Urrutikoetxea eta Aretxabaletaren aurka.
Elezkano II.ak 17 tanto egin zituen. Urrutikoetxea eta Aretxabaletak ezer gutxi egin zuten atzokoan: 14. tantora arte eustea lortu zuten baina behin emaitza horretatik aurrera –14-14– ezin izan zuten ezer egin. Atzoko garaipenarekin, Elezkanok eta Rezustak eskuz binakako txapelketako lehenengo fasea lehenengo postuan amaitu dute. Orain, 12 eguneko atsedenaldia izango du txapelketak.