Debagoieneko osasun zentroetan arreta asistentzialaren eredu berria jarriko da martxan

Astelehenean jarriko da martxan bailarako osasun zentroetan arreta asistentzialaren eredu berria. Arreta zerbitzu honen helburua da arreta arina, egokia eta pertsonalizatua eskaintzea. Era horretan, anbulatoriora deitzen duen herritarrak galdera bat erantzun beharko du, bere beharra zein den azaltzeko eta horren arabera, lehentasunak definituko dira. Anbulatorioko langile administratiboen zeregina izango da herritarraren beharra aztertzea eta beraiek profesional egokiarengana bideratuko dute bezero bakoitza.