Distantzia luzeetan beste kontu bat izango da, baina gaur egun atleta gutxi dira kapaz aldapa gora Iñigo Alzola atzean uzteko. Lasterketa hasi eta arrasatearrak bere erritmoa jarri du –itogarria guztiendako– eta bakarrik egin du gora. Pentsa, Irimora iritsi aurreko azken zuzenean bakar-bakarrik zetorren, eta goian minutu pasako aldea atera dio bigarrenari. Bigarren hori ez zen Zuhaitz Ezpeleta (bigarren helmugan), azken honek lehenengo igoeran indarrak gorde ditu eta ziklismotik datorren Jokin Etxaberekin (zazpigarren) batera egin du Irimorako igoera. Ezpeleta, baina, txakur zaharra da, eta horrek ere lau hamarkadak beteta baditu ere oraindik sasoian dagoela erakutsi du. Hala, Irimora iritsi eta lasterketaren bigarren zatian atzean utzi ditu Josu Urrestarazu, Josu Imaz, Jon Baleztena –lehen antzuolarra– eta Igor Olalde aretxabaletarra. Bitartean, Alzolak bakar-bakarrik pasa du goiza, bere buruaren kontrako borrokan, eta ikusleen txalo guztiak bereganatuz.
Ane Zabala ere alde politarekin
Iazko Arrasate-Udalatx lasterketako irabazlea ere hasi da 2019ra begira kartak erakusten. Arrasatekoa ere indartsu dabil, eta emakumezkoetan erraz gailendu da (1.20.21). Atxondoko garazi Sanpedrori bost minutuko tartea atera dio-eta (1.25.20). Kontrara, bigarren postuagatik lehian oso borroka estua izan da, Usurbilgo Irati Larrañaga 26 segundora iritsi da-eta (1.25.46).
Gizonezkoak:
- 01:05:24 Iñigo Alzola Gordoa (Arrasate)
- 01:08:14 Zuhaitz Ezpeleta Iturbe (Arrasate)
- 01:08:29 Josu Urrestarazu Garcia (Idiazabal)
- 01:08:54 JosuI maz (Beasain)
- 1:09:03 Jon Baleztena Azpei (Antzuola)
- 01:09:03 Igor Olalde Berasaluze (Aretxabaleta)
- 1:10:38 Jokin Etxabe Leturia (Bergara)
- 01:11:41 Pello Berrizbeitia Apellaniz (Eibar)
- 01:12:06 Asier Aburuza Belamendia (Aduna)
- 01:12:28 Aimar Larrea Aranguren (Antzuola)
Emakumezkoak:
- 01:20:21 Ane Zabala Bruña (Arrasate).
- 01:25:20 Garazi Sampedro Arando (Atxondo).
- 01:25:46 Irati Larrañaga Matxain (Usurbil).
- 01:31:55 Ainhoa Aspiazu Iturbe (Bergara).
- 01:32:14 Onintza Langaran Galdos (Arrasate).
- 01:34:39 Maider Uribe Isado (Bergara).
- 01:34:45 Izaro Ormazabal Galarraga (Idiazabal).
- 01:36:32 Edurne Clemente Bengoa (Aramaio).
- 01:37:21 Monica Galindo Rodriguez (Arrasate).
- 01:37:54 Ane Morillas Igartua (Bergara).
.
