Bietako inor ez dago etxafuegoak botatzeko, ez Aretxabaleta (21 puntu), eta ez Mondra (30 puntu). Sailkapenari begiratuta egia da egoera ezberdinetan daudela bi talde horiek, UDAko mutilek larri egoteko motibo gehiago dituzte –jaitsiera postuak hiru puntura dituzte–, baina azken bost partiduetatik lau galduta –azkena 0-6 Tolosaren kontra–, arrasatearrek ere erreakzionatu beharra dute.
Aretxabaletak ez du horrenbeste gorabehera izan. Txarto hasi zuten liga, taldean aldaketa handiekin, eta kosta egin zitzaien lehenengo garaipena eskuratzea –zazpi jardunaldi behar izan zituzten–. Gero, irail amaieran hasita, urrian aurpegirik onena erakutsi zuen UDAk, baina azken bi hilabeteotan okertu egin dira berriro gauzak. Mondrak gorabehera handiagoak izan ditu. Lehenengo hamalau jardunalditan bi partidu baino ez zituzten galdu, nahiz eta berdinketek asko zigortu zuten. Urte hasiera, baina, txarra egin dute eta aurrean egoteko aukerak galdu dituzte.
Bergarak Real Union hartuko du
Mahoneroak ez daude aretxabaletarrak baino askoz hobeto (24 puntu) eta bihar kontrario zuzen Real Union (24) izango da Aurreko derbi bateko irudia. GOIENA aurkari Agorrosinen (16:00).