Motibazioa
Hizkuntza ikasteko motibazioa ardatza izaten da, horregatik, motibazioan eragitea garrantzitsua da. Lanketa horretan, ezinbestekoak dira honako balioak: euskara erabiltzeko argudioak ematea, hizkuntzen erabileran gertatzen diren egoerak kudeatzeko estrategiak eskaintzea, hizkuntzen kudeaketan garatzen diren eredu onak zabaltzea, soziolinguistikari buruzko oinarrizko azalpenak gizarteratzea, hizkuntza ezagutzetik erabiltzera dagoen jauzia egiten laguntzeko lantegiak antolatzea eta lidergoa lantzea hizkuntzen normalizazioaren alorrean, besteak beste.
Hitzartutako programa
Hitzartu duten programak gai edo eduki bat izango du ikasturte bakoitzean eta unibertsitateek horiek landu eta jorratu beharko dituzte. Mondragon Unibertsitateak, adibidez, horrelako ekintzak antolatu izan ditu beste unibertsitate eta Foru Aldundiarekin batera.