Baloia mugitzeko intentzioarekin irten dira hasieratik aretxabaletarrak, eta etxeko taldeak hori aprobetxatu du presio altua egin eta baloia lapurtzen saiatzeko. Presio horren ondorioz, hain zuzen, iritsi da etxeko taldearen lehen gola. Gorka Irizarrek baloia loratu eta gol eder batekin hautsi du berdinketa.
Bigarren gola ere antzeko jokaldi batean iritsi da. Presioaren ondorioz, baloia galdu du kanpoko taldeak, eta area kanpotik egindako jaurtiketa batekin 2-0ekoa jarri du Joseba Larreak.
Atsedenaldira markagailu horrekin iritsi dira. Bigarren zatian aldea handitzeko helburuarekin irten dira oñatiarrak, eta gertu ibili dira, Unai Gilek bi baloi bota ditu-eta zutoinera.
Aloña Mendik areatik gertu galdutako baloi baten ondorioz, aldea murriztea lortu dute aretxabaletarrek (2-1). Hala ere, etxeko taldea gehiago izan da eta partidua amaitzear zela, hirugarrena sartu du Ander Bikuñak, Gaizka Irizarren asistentzia baliatuz. Jokaldi horretan zaintiratu bat izan du Irizarrek, eta partidua utzi behar izan du, eta 10 jokalarirekin bukatu du partidua Aloñak.
