Giro ezatsegina nagusituko da gaurkoan. Euria etengabe egingo du ipar parteko toki askotan eta haizeak oso zakar joko du, bereziki mendietan eta kostaldean. Elurra mendi garaienetan baino ez du botako. Tenperatura 7-11 gradura igoko da baina haizearen eraginez hotz sentsazioa handiagoa izango da.
Asteazkeneko abisuak
- Alerta Laranja prezipitazio iraunkorragatik Bizkaia eta Gipuzkoan, 24 orduz.
- Abisu Horia prezipitazio iraunkorragatik Araban, 24 orduz.
- Abisu Horia elurragatik barnealdean, 21:00etatik gauerdira arte.
- Abisu Horia haizeagatik haizeguneetan 03:00etatik 12:00etara
Osteguneko abisuak
- Alerta Laranja prezipitazio iraunkorragatik Bizkaian eta Gipuzkoan 00:00etatik 12:00etara.
- Abisu Horia elurragatik barnealdean 00:00etatik 12:00etara.
Mailen azalpenak
- Maila horia: arrisku neurritsua, orokorrean biztanleentzat ez da arazo meteorologikorik, baina bai aktibitate zehatz batzuentzat.
- Maila laranja: meteorologi arazo nabarmena dago.
- Maila gorria: arazo meteorologikoa sekulakoa da. Aparteko intentsitatea duten fenomeno meteorologiko ez ohizkoak.