'Katapulta Tour Gipuzkoa 2019' zirkuiturako izen ematea zabalik dago

'Katapulta Tour Gipuzkoa 2019' zirkuiturako izen ematea zabalik dago
Juan Valls, oñatiarra, aurreko edizioko parte hartzaileetako bat

Katapulta Tour Gipuzkoa 2019an izena emateko azken eguna urtarrilaren 22a izango da. Egitasmo honek bi helburu ditu: batetik, musika eta arte ezenikoetako arloetako Gipuzkoako talentuak balioan jartzea eta bultzatzea eta bestetik, Gipuzkoako ezenari dinamizazioan laguntzea, kluba eta organizatzaileei bultzada ematen. Edizio honetan parte hartu nahi dutenak hurrengo loturan eman beharko dute izena: katapulta-tour-gipuzkoa/izen-ematea

Gipuzkoako artistei zuzenduta

Egitasmo hau beren ibilbidea musikaren eta arte ezenikoen esparruetan garatu nahi duten Gipuzkoako artistei zuzenduta dago. Aurkezten diren proposamenak artisten originalak izan behar dute eta esparru horietako teknikari zein profesionalez osatutako epaimahaiak onenak aukeratuko ditu. 

Hautatutako proiektuak

Epaimahaiak aukeratutako proiektuei honako eskaintza egiten zaie: Gipuzkoako gune desberdinetan hiru emanaldi burutzea, emanaldi bakoitzean 400 euro jasotzea eta proiektua sustatzeko bideo bat grabatzea. Horrez gain, bateragarritasun artistikoaren eta estilistikoaren arabera, aukeratutako proiektu edo artista batzuek beste emanaldi bat eskaintzeko aukera izango dute, Gipuzkoako beste jaialdi batean. 

Proiektu bat aukeratua izateko irizpideak

Aurkezten diren proposamenen artetik sei proiektu aukeratuko dira, irizpidea honakoa izango delarik: Gipuzkoan erroldatutako artistek eta 30 urtetik beherakoek lehentasuna izango dute, proiektuaren kalitateaz gain, artistaren ibilbidea eta etorkizuna baloratuko dira eta hizkuntzari dagokionez, oreka izatea nahi da, eta baita parte-hartzaileen generoari dagokionez ere.