Maialen Aramendia, Irati Idirin eta Garazi Erostarbe izango dira 23 urtez azpiko taldeko ordezkariak. aldez, Naia Amondarain, Ekhiñe Rivas eta Xubane Garai junior mailako taldekoak. Eneko Garai izango da bi taldeetako arduraduna, eta Loli Santako kirol zuzendaria. Sei txirrindulariek Euskaldun txapelketako eta Espainiako Kopa izango dituzte helburu.
BH bizikletak, Spiuk kaskoak eta betaurrekoak, eta Kalas arropa erabiliko dute lehiatzeko, eta lasterketatan Skoda automobil baten laguntza izango dute. Euskadi-Murias taldearen maillot berbera erabiliko dute (berde koloreko), eta emakumezkoen taldeak bereziki babesten dutenen logoak ere bai: Oriako Txirrindulari Eskola, Limousin Kartoiak eta Arsuaga.
Kadete mailakoak
Bestalde, kadete mailako taldea Limousin-Murias izenarekin lehiatuko da, eta Amaia Astarloa, Jone Gisasola, Naroa Olano eta Nagore Txintxurreta izango ditu ordezkari errepidean.
Urtarrilean Euskadi-Muriasek egingo duen aurkezpen ekitaldian parte hartuko dute hamar emakume ziklistek.