Asteasun jokatu zen finala Urtezahar egunean eta hiru harri-jasotzaile aritu ziren ohikoak dituzten ehun kiloko harriekin —zilindro zaharra, kubikoa eta bola— hiru minutuko txandak egiten.
Inhar Urruzunok egin zuen lanik onena; izan ere, 90 jasoaldi egin zituen guztira. 37 zilindro zaharrarekin, 25 kubikoarekin eta 28 bolarekin. Xabier Peñagarikanok 87 egin zituen; 35 zilindro zaharrarekin, 24 kubikoarekin eta 28 bolarekin.
Imanol Albizu Goikoetxe-k 82 jasoaldi egin zituen; 34 zilindro zaharrarekin, 21 kubikoarekin eta 27 bolarekin.