Bihar, abenduaren 31n, zein urtarrilaren 1ean lanbroa eta lainoa sortuko direla goiz partean iragarri du. Zerua hodei gutxirekin edo oskarbi egongo da; kostaldean, ostera, tarteka hodeitsu. Kostaldean, gainera, ekialdeko haize ahula ibiliko da, eta gainerako tokietan norabide aldakorrekoa.
Tenperaturari dagokionez ez dela aldaketarik izango adierazi du. Barnealdean izotz txikia egingo du, eta Arabako zenbait lekutan handia. Gasteizen zero azpiko tenperatura minimoak iragarri ditu bi egunetarako, eta gainerako lekuetan zertxobait altuagoak.