53. Durangoko Azoka

Durangoko Azokako lehen Sormen Beka, rol-joko batentzat

Abenduaren 6a indartsu hasi da Durangoko Azokan: aurten lehen aldiz banatu dute Sormen Beka, eta goizean egindako ekitaldian eman dute jakitera Etzi Portu Maritimoa taldearen ATOPIArpg proiektuarentzat izan dela. Talde lanean garatzen ari diren rol-joko bat da proiektu aukeratua, euskaraz sortzen den lehena. Gogoetaren Plazak ere gaur ekin dio aurtengo ibilbideari, eta horretarako luxuzko gonbidatua izan dute: Benito Lertxundi. K@abia, aldiz, gamer gela bihurtu da.