Garaipen garrantzitsua bi taldeentzat
Leintz Arizmendiko neskek garaipen garrantzitsua lortu dute Touring-en aurka. Atsedenaldira joan direnean, 3-0 adierazten zuen markagailuak eta bigarren zatian, etxeko taldea nagusitu egin da eta beste lau gol sartu ditu. Bergarako neskek, berriz, sailkapenean azken postuan dagoen Zarautz baino askoz gehiago izan dira eta hori markagailuak argi eta garbi adierazten du (8-0). 6.minutuan dagoeneko etxeko taldeak bi goleko abantaila izan du eta partiduak aurrera egin ahala etorri dira gainontzeko golak. Garaipen honekin, Bergarako neskek dagoeneko sei partidu irabazi dituzte jarraian.