Markel Olanoren esanetan, belaunaldi aldaketa egingo da erakundean; izan ere, hamar urtetan 900 langilek baino gehiago hartuko dute erreleboa.
Horretarako, lehiaketa fasean, besteak beste, formakuntza akademikoa eta hizkuntzak ezagutzea baloratuko da eta, aurreneko aldiz, horrelako gaitasunak frogatu beharko dituzte hautagaiek oposaketa fasean: talde lana, komunikazioa, aldaketei egokitzea eta profesionaltasuna. Horretaz gain, administrazio publikoetan pilatutako eskarmentua ere aintzat hartuko da oinarrietan.
Azterketen egutegi orokorra urte hasieran ezagutaraziko da, baina lehen hautapen probetarako deialdiak urtarrilean argitaratuko dira jada. Hauek izango dira: administrazio orokorreko teknikarien 35 plaza; gizarte langileen 25 plaza; eta medikuentzako 4 plaza
2017an suhiltzaileen 25 plaza betetzeko azterketak egin ziren baina Aldundiko azken Enplegu Publikoaren Eskaintza handia 2006an egin zen. Orduko hartan, 193 lanpostu eskaini ziren, eta 7.708 eskaera aurkeztu.