Orain arte emandako pausoak honako hauek izan dira: lur-jabeekin, Gatzagako, Eskoriatzako eta Aretxabaletako elkarte eta ikastetxeekin egindako bilerak eta aurten egindako irteerak, besteak beste. "Hauek erakutsi dute bideari artapen egokia eta beharrezko egokitzapenak eginez gatzagarren mugikortasuna hobetu bakarrik ez, Debagoien osoaren onura ere ekarriko duela", adierazi dute Gatz Bidie herri ekimeneko kideek.
Ibilbide osasuntsuak
Uztailean, ekimeneko kideek jarduera fisiko osasuntsua bultzatzeko diru-laguntzak eskatu zituzten. Onartuta, bide horren egokitzapena burutzea izango litzateke hurrengo pausoa. Bidearen erabilera bultzatu eta herriak lotuz, landa-guneak errespetatuz, aisialdi, osasun eta kirol esparrua natura-guneetara zabalduz.
