Bukaera zoro baten ostean, berdinketa

Eneko Azurmendi 2018ko aza. 25a, 16:52

Bina berdindu dute Aretxabaleta K.E. UDAk eta Mahastiak Labastida Rioja Alavesak. Kanpoko taldea aurreratu da, baina etxekoek markagailua iraultzea lortu dute bigarren zatian. Hala ere, atezain jokalariaren bitartez, neurketa berdintzea lortu dute arabarrek. Azken minutuetan bi taldeak saiatu dira berdinketa hausten, eta bukaera zoroa eta azkarra izan den arren, inork ez du garaipena lortu.

"Bagenekien estu joango zela partidua, eta hala izan da. Zuk zure aukerak ez badituzu aprobetxatzen, aurkariek aprobetxatzen dituzte. Bukaera oso zoroa izan da. Bi taldeak garaipenaren bila ibili gara, baina azkenean berdinketarekin konformatu behar izan dugu. Behintzat, dena eman dugunaren sentsazioa daukagu, eta horrela segi behar dugu", azaldu du Oier Urrutiak, taldeko kapitainak.

Kategoria berean, Eskoriatzak aise menderatu zuen atzo Soloarte taldea (7-1), eta sailkapeneko goiko postuetan jarraitzen du, liderra puntu batera duela.

Mondratek ere irabazi egin zuen atzo (0-2) Zirauntza FKE Araia taldearen aurka. Partidu lehiatua izan zen, eta lehenengo zatian aurreratu ziren arren, azken minutuetara arte arrasatearrek ezin izan zuten bigarren gola egin. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak