Bergaran eta Oñatin atzo, azaroak 22, eman zioten hasiera Euskaraldiari eta Debagoieneko gainerako herrietan gaur egin dituzte ekitaldiak. Adibidez, Eskoriatzan argazki erraldoia atera dute eta Aretxabaletan hamaikakoa eta bertsolariak izan dira protagonista. Herri gehienetan, gainera, izena emateko aukera dago oraindik. Oraindik izenik eman ez baduzu animatu, ez zaizu damutuko!
Aretxabaletako ekitaldian nabarmendu dutenez, 1.400 bat aretxabaletarrek eman dute izena. "Aretxabaletan zenbat jende bizi den jakinda, kopuru oso polita dela uste dugu. Jendea animatuta dago, txapak soinean jarrita; espero dugu abenduaren 4an igarriko dela eragina", adierazi du Aretxabaletako batzordeko Ane Berazak.
Argazkia: Eskoriatzan argazki erraldoia atera zuten, plazan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
