Horretarako elkartu dira Arrate Illaro Euskaraldiaren koordinatzailea, Elena Laka Euskaltzaleen Topaguneko presidentea, Bingen Zupiria Eusko Jaurlaritzako Kultura eta Hizkuntza Politika sailburua, Cristina Uriarte Eusko Jaurlaritzako Hezkuntza sailburua eta Beñat Arrabit Euskararen Erakunde Publikoko presidentea besteak beste.
Prentsaurrekoan, Bingen Zupiriak, Eusko Jaurlaritzako Kultura eta Hizkuntza Politika sailburuak, hezkuntzak euskararen erabilera sustatu eta hiztunen aktibazioa bultzatzeko egin dezakeen ekarpena nabarmendu du.
Asko dira herriz-herriko lantaldeetan lanean izan eta Euskaraldiaren sustatzaile bihurtu diren hezkuntza arloko entitateak ere eta Arrate Illarro euskaraldiaren koordinatzaileak hauen lana azpimarratu nahi izan du.
Beñat Arrabitek, berriz, Euskararen Erakunde Publikoko presidente eta Euskal Elkargoko Hizkuntza politikarako presidente-ordeak, hezkuntza sistemaren lana goraipatu du.
Eta amaitzeko, Elena Lakak, Euskaltzaleen Topaguneko lehendakariak, hezkuntza komunitatearen eta kalearen arteko lotura nabarmendu ditu.
Hastear da Euskaraldia: 11 eun euskaraz ariketa soziala, eta dena prest dago 11 egunez ahobizi eta belarriprest rolei eusteko. Hamaika egunetan zehar, antolatzaileek egunero helaraziko dituzte aholku eta laguntza mezuak, partaideek ariketa eroso egin ahal dezaten.