Korrikaren 21. edizioak apirilaren 4tik 14ra zeharkatuko du Euskal Herria

Klika, klika, klika, hemen dator Korrika entzungo da herririk herri Garesen (Nafarroa) hasi eta Gasteizen bukatuko den ibilbidean zehar. Atzo aurkeztu zuten AEKko ordezkariek Korrikaren 21. edizioa eta ibilbide osoa aurrerago jakinaraziko dutela esan zuten. Horretaz gain, 2019ko lasterketak Txillardegi omenduko duela ere aurreratu zuten. 

Klika izango da 21. edizioaren leloa, eta horren bueltan egin du promozio bideo Arteman komunikazio agentziak. Aurkezpen bideoan Arrasateko bi txalapartari ere agertzen dira.