Udazkeneko osagaiekin egindako postre lehiaketa badator

IV. Postre Lehiaketa deitu dute Debagoieneko Mankomunitateko Turismo Sailak, Deba Garaia Landa Garapenerako Elkarteak eta Arrasateko Udalak elkarlanean. 30. Gastronomi Jardunaldien baitan antolatu dute, eta azaroaren 17an egingo den Arrasateko Baserritarren azoka bereziarekin batera izango da.

Bertako gastronomia sustatzeko, eta garaiko produktuen kontsumoa bultzatzeko antolatu dute beste behin.

Postreen ezaugarriak:

Gutxienez honako osagaietatik bi eduki beharko ditu: bertako urrak, intxaurrak, gaztainak, sagarrak, kalabaza edo/eta eztia. Eta norberak egindako postreak izan behar dute.

Parte hartzeko baldintzak:

Lehiaketan parte hartzeko aurrez izena eman behar da, eta parte-hartzaileek ezingo dute gozogile edo sukaldari profesionalak izan. Izen-emate bakoitzeko postre bakarra onartuko da.

Sariak:

  • Lehenengo saria: Otarra + afaria + IbaiI Artek emandako 100 euroko bonoa
  • Bigarrengo saria: Otarra + afaria.
  • Hirugarren saria: Otarra.

(Otarra bertako produktuekin egongo da osatuta eta afaria bi lagunendako izango da, Gastronomi Jardunaldian parte hartzen duen jatetxe batean).

Izena emateko era eta epea:

Izena emateko azken eguna azaroaren 5a, astelehena, izango da. Horretarako, helbide honetara jo behar da: turismo@debagoiena.eus.
Argibide gehiago gura izanez gero honako telefono zenbakian: 943 79 64 63.

Postreak eta errezetak aurkezteko era:

Lehiaketaren egunean, azaroaren 17an, zapatua, 11:00etan, Arrasateko Seber Altube plazan aurkeztuko dira postreak.
Eta postrearekin batera, errezeta eta egilearen datu pertsonalak ere bai gutun azal itxi batean.

  • Postrearen tamaina 6-8 erraziokoa izango da.
  • Postreak bertan utziko dira, lehiaketaren ostean dastatzen emateko.
  • Errezetak honako datuak bilduko ditu: postrearen izena; osagaien zerrenda eta bertako produktuen jatorria, eta elaborazio prozesuaren azalpena.

Epaimahaia:

Epaimahaia honakoek osatuko dute: sukaldari batek, Udaleko ordezkari bat eta gozogile batek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.