Kalte zerebralaren eguna aitzaki hartuta, bihartik azaroaren 25era bitartean Kajoi tabernan erakusketa bat egongo da, non Arrasateko Aita Menni egoitzako erabiltzaileek burututako 37 obra egongo diren ikusgai. Erakusketa honekin, ikusgaitasuna eman nahi zaio kalte mota honi. Hori dela eta, sarrera librea izango da eta herritar guztiei dago zuzenduta.
Guztira 18 pertsona aritu dira azken hiru hilabete hauetan obra hauek burutzen. Birziklatutako materiala erabili dute obra hauek egiteko, giltzak eta harriak, besteak beste. Obretan hainbat gai adierazten dituzte: garuna, itsasoa, maitasuna...
Errealitate hau jasaten duten 20.000 erabiltzaile euskaldun daude. Kalte zerebralaren ondorioak askotarikoak dira eta mugikortasunean, komunikatzeko moduan... eragiten dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.