Kazetaritza mugikorraren aukerak izango dituzte berbetarako gai Tokikom Jardunaldietan gaur

Mirari Altube Arrese 2018ko urr. 22a, 06:52

Tokikom Jardunaldiak egingo dituzte gaur, urriak 22, EiTBko Bilboko egoitzan, eta kazetaritza mugikorraren (MoJo) aukerak eta publizitatearen munduko erronkak aztertuko dituzte, besteak beste. Tokikom Sariak ere banatuko dituzte, azken urteko lanik onenak sarituaz.

Kazetaritzaren alde mugikorra azpimarratu nahi izan du Tokikomek aurten. Hala, Mobile Journalism edo teknologia mugikorren inplantazioa kazetaritza jarioan hitzaldia eskainiko du Santiago Hernandez Lechugak (RTVE Institutua). GOIENAko Xabi Urzelai kazetariak, ostera, kazetaritza konbentzionaletik mugikorrera egindako saltoaren gainean jardungo du, kazetari baten eboluzio pertsonalaren berri emanda. 

Sare sozialetan ere jarriko dute begirada, eta Instagram eta Stories-en gainean egingo du berba Ana Lopez kazetariak: Nola erabili sare sozialak geure kanaletako edukiak sustatzeko.

Arratsalde partean, ostera, lau orduko ikastaro teoriko-praktikoa izango dute kazetariek: irudiak jasotzea, editatzea eta banatzea telefono mugikorra erabiliz.

Publizitatearen joerak

Publizitatearen joerak Euskadin eta munduan ere aztertuko dituzte, baita GDPR eta LOPDren eragina komunikabideetan. Bukatzeko, komunikabideen datuak monetizatzeko orduan kontuan hartu beharreko alderdi legalak izango dituzte hizpide.

Tokikom Sariak

Tokiko komunikabideetan azken urtean landutako azalik, edukirik eta ikus-entzunezkorik onena sarituko dituzte Tokikom Sariak barruan. Baita euskaraz egindako publizitaterik onena ere.

Hona hemen egitaraua osorik.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak