Bailarako hainbat ikastetxek Gazteen Gipuzkoa ekimeneko proiektuak aurkeztuko dituzte Etorkizuna Eraikiz Gunean

Gazteen Gipuzkoa ekimeneko proiektuak aurkeztuko dituzte urrian eta azaroan Gipuzkoa osoko batxilergoko 520 ikaslek Etorkizuna Eraikiz Gunean, Donostian. Debagoienera etorrita, Aranzadi Ikastola, Gaztelupe Arizmedi Ikastola, Mariaren Lagundia, Almen Arizmendi Ikastola, Elkar Hezi Ikastetxea, Zuazola Larraña Institutua, Arrasate BHI eta Txantxiku Ikastolako ikasleak dira proiektuak aurkeztuko dituztenak. Etorkizuneko erronkei lotuta dituzten ideiak, iradokizunak eta kezkak plazaratuko dituzte euskarri desberdinen bidez.

Martxoan hasita eta protokolo metodologiko bati jarraituz, proiektu bana landu du zentro bakoitzak. Hogeiko taldeetan banatu dira ikasleak eta tutore bana izan dute. Orain, txandan-txandan, egindako lanak aurkeztuko dituzte. Ikastetxe bakoitzak 1.000 euro jasoko ditu euren beharrizanetara bideratzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.