Lehen derbian, UDA garaile (5-1)

Imanol Beloki Unamuno 2018ko ira. 29a, 12:21

Euskal Ligako Aretxabaleta eta Eskoriatza taldeek derbia izan dute, gaur, Iturripe kiroldegian. 5-1 irabazi dute UDAkoek, denboraldiari hasiera bikaina emanez. Lehen zatian, berdinduta aritu dira bi taldeak, baina golak etorri bezain pronto, aretxabaletarrak nagusitu dira.

Gaur hasi da Euskal Ligako denboraldia areto futbolean, eta derbi batekin gainera. Aretxabaletak eta Eskoriatzak denboraldiaurrean prestatutakoak kantxara ateratzeko eguna zen, eta bi taldeek prestatutakoak kantxan ikusteko aukera izan da.

Aretxabeletan, San Migel jaietako bazkaria dela-eta, ezin izan dute Ibarra kiroldegian jokatu partidua. Hala, Eskoriatzan jokatzeko eskatu zioten federazioari, baina ezinezkoa izan denez, Iturripen jokatu dute derbia.

Gol festa

Bi taldeek izan dituzte aukerak, partidu osoan zehar, nahiz-eta lehenengo zatian oso parekatuta aritu diren bi taldeak. Gorka Maria Seco Txohan, izan da lehen goleatzailea. Bigarren gola, berriz, Iosu Urtzelaik sartu du,horren ostean intentsitate handiagoarekin hasi dira eskoriatzarrak. Hala ere, 3-0ekoa Markel Caberok sartu du, lehenengo, eta 4-0ekoa, ostean, Iosu Urtzelaik.

Xabi Iñurriak 4-1ekoa sartu du, baina ezin izan diote markagailuari buelta eman. Azken segundoetan, berriz, Julen Lozano Kalvin-ek sartu du 5-1ekoa.

Denboraldiari begira

Aretxabaletak goitik behera aldatu du taldea. Talde gazteagoa da, beteranoek taldea utzi baitute. Eskoriatzak, berriz, ez du hainbeste aldaketa egin denboraldi berrira begira, baina maila baxuagoko hainbat gazte igo dituzte lehen taldera. Hala, denboraldia hasi besterik ez da egin, eta ikusi egin beharko da nola aritzen diren bi taldeak denboraldian zehar.

 

Erlazionatuak

UDAk 5-1 irabazi dio Eskoriatzari

Josu Bilbao Atxutegi 2018 ira 29 Aretxabaleta   Eskoriatza

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak