Atzo gauean Maria Cristina Hotelera iritsi zenetik, gehien errepikatu den izena Bradley Cooper-ena izan da. Estatubatuarra bere azken filma den A star is born aurkeztera etorri da eta normalean kamararen aurrean kokatzen dugun arren, pelikula honen zuzendaria ere bada.
Cooperrek bi musikariren arteko amodio istorio tragiko aukeratu du, estreinakoz zuzendari bezala egin duen lan honetan, eta horrez gain berak jokatu du filmeko rol protagonistetako bat. Veneziako mostran eta Toronto erakutsi eta gero iritsi da Donostiara.
Hemsworth arratsaldean
Guztiok Bad times at the El Royale filmaren photocall eta pretsaurrekoan espero genuen arren, Chris Hemsworth ez da arratsaldera arte iritsiko Donostiara. Australiako aktorea Kursaalean eta Velodromoan egongo da Zinemaldiari amaiera emango dio filma aurkezten .
Bad times at the El Royale film dibertigarria da, hotel berezi batean itxuraz arruntak diren pertsonaia batzuk batuko dira, baina ikuslea laster ohartuko da, guztia itxurakeria baino ez dela, eta errealitatea oso bestelakoa.
Lehen sariak
Palmares ofizialetik kanpo, hainbat sari ere ematen dira.
- ZABALTEGI TABAKALETA SARIA: Song for the jungle (Jean-Gabriel Périot)
- AIPAMEN BEREZIA: Los que desean (Elena Lopez)
- DONOSTIA HIRIA PUBLIKOAREN SARIA: Un día más con vida/Another day of life (Raúl de la Fuente - Damian Nenow)
- EUROPA FILMAREN SARIA: Girl (Luka Dhont)
- EUSKAL ZINEMAREN IRIZAR SARIA: Oreina (Koldo Almandoz)
- GAZTERIAREN SARIA: Viaje al cuatro de una madre (Celia Rico)
- FEROZ ZINEMALDIA: Quíen te cantará (Carlos Vermut)
Kinielen unea
Azken urteetan palmares ofizialeko kinielatan apenas sari bat asmatu eta gero, ez dut kinielarik egingo. Dena den, kazetarien artean High Life eta In Fabric dira faboritoak nahiz eta Yuli edo Rojo ere hainbat tokitan aipatu diren.
Une honetan baina, Alexander Payne buru duen epaimahaiaren kideek baino ez dakite nork eskuratuko duen sari preziatuetako bat.
