'EraldETE' eta 'ETEbalio+' proiektuen aurkezpen jardunaldia egingo da egubakoitzean

Debagoieneko Mankomunitateko Garapen Agentziak, Gipuzkoako Foru Aldundiak berrikuntza eta lehiakortasuna sustatzeko diruz lagundutako EraldETE eta ETEbalio+ proiektuen aurkezpena egingo da egubakoitzean, 9:00etan, Mankomunitateko egoitzan, Arrasaten.

EraldETE proiektuari esker, eskualdeko 6 enpresek aholkularitza integrala jaso dute euren negozioan dibertsifikazioa ezartzeko. Egubakoitzeko aurkezpenean jardunaldi horietako esperientziak emango dituzte ezagutzera.

ETEbalio+ proiektuaren baitan berriz, eskualdeko beste 4 enpresetan, negozio eredu/produktu edo zerbitzuaren diferentziazio eta balio erantsiaren eraldaketa abiarazteko aholkularitza jasoko dute, datozen hilabeteetan.

Beste ekintza batzuk

SPRI Enpresa-Garapenerako Euskal Agentziarekin batera, Inplantalariak programa eskainiko du hurrengo hilabeteetan. Momentuz, bi saio eskaintzeko asmoa dago: lehena, urriaren 4an eta bigarrena azaroaren 8an.

Eskualdeko enpresa txiki eta ertainei bideratuta

Garapen Agentziak hainbat programa ditu hurrengo hilabeteetarako: Garapen Batera eta Industriaren eraldaketa eta lehiakortasun eredu berria.

Ekintzetan izena emateko

Debagoieneko Mankomunitateko Garapen Agentziak antolatutako ekimenetan parte hartzera animatu nahi ditu eskualdeko enpresak. Ekintzetan parte hartzeko bi modu daude: enpresa@debagoiena.eus helbide elektronikoa edota 943 79 30 90 telefono zenbakia.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.