Euskaldunak euskaraz, pozik eta jai-giroan

Aikor 2018ko ira. 26a, 13:22

Gaur, irailaren 26an, Hizkuntzen Europako Eguna da eta hori 2001. urtetik hona ospatzen da, Europako Kontseiluak hala erabakita. Egunak hizkuntzak ikastea sustatzea du helburu. Txorierriko euskara elkarteek ahalegin handia egiten dute gurean euskara ikasi eta erabiltzea bultzatzeko. Horietako bat Altzora Sondikako euskara elkartea da, zeinak joan den zapatuan bere eguna ospatu baitu eta ekintzetan herriko elkarte guztiek parte hartzea lortu zuena.

Egun osoko egitaraua antolatu zuten. Hala, goizean, dantza poteoan ibili ziren Elaiak taldeko txistulariekin eta Gorantzaileak taldeko dantzariekin, eta gero herri bazkaria eduki zuten. Aurten sagardotegiko menua eskaini zuten lehenengo aldiz. Txüma Olagüe abesbatzak eta Txuma Olagüe talde koralak bazkalondoa girotu zuten eta ondoren, Taberna Ibiltariak hartu zuen lekukoa. Euren eskutik, euskal abestiak kantatu zituzten Altzora Egunean bildutako guztiek.

“Oso pozik egon gara, herriko elkarteen laguntza jaso dugulako, egun polit hau aurrera ateratzeko”, esan dute Altzora elkartetik. “Euren laguntza ezinbestekoa izan da guretzat eta oso erantzun ona eduki dugu beren aldetik”: Egun osoan oso giro ederra egon zen. “Euskadunak euskaraz, pozik eta jai-giroan. Bazkaria azpimarratzekoa da, oso goxoa egon zelako, eta Taberna Ibiltaria, betiko moduan, bikain ibili zen… Eskerrik asko Altzora Egunera hurbildu zareten guztioi”.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak