Sebastian Arantzabalek jantzi du Bizkaiko hiru txirlo txapelketako txapela

Sebastian Arantzabal Bizkaiko txapelarekin.

Atzo jokatu zuten Aulestiko Santa Eufemin txapelketako azken jardunaldia. Gipuzkoarrek ere jokatzeko aukera izan dute aurten, eta hain zuzen ere gipuzkoar batek jantzi du txapela.

Zortzi jardunaldi izan ditu Bizkaiko 29. hiru txirlo txapelketak. Ekainaren 23an eman zioten hasiera eta atzo amaitu zen. Sebastian Arantzabalek txapelketa oso ona jokatu du eta berak jantzi du txapela. Zortzi jardunalditan 46 txirlo jo ditu. Antonio Ibarluzeak egin du bigarren 41 txirlo jota. Hirugarren Lander Odiaga izan da 40 txirlo jota.

Santa Eufemian jokatutako jardunaldia Lander Odiagak irabazi du, zazpi txirlo jota. Sebastian Arantzabalek bigarren egin du sei txirlo jota.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.