Lagun asko elkartu dira gaur, Amaia antzokian, Iñaki Bengoaren inguruan. Shot! grabazio estudio berria martxan jartzeko lehen haziak erein gura izan dituzte, musika lagun hartuta. Eta itzelezko kontzertua eskaini dute.
Behin eta berriz entzun dira Iñakiren eta Shot!-en aldeko oihuak. Eta elkartasun mezuak ere ez dira falta izan.
Kontzertu gozoa izan da, nork bere estiloan borobildua, eta ikusleak lasai eta gustura izan dira jarlekuetan. Ines Osinaga, Petti Barrena semeekin, Keu Agirretxea, Ruper Ordorika, Huntza eta Zea Mays; horiek guztiak gaur, Amaia antzokian, baina ez da izango Shot!en aldeko azken kontzertua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.