Bailarako irakasleek eta ikasleek bat egin dute Gatz Bidearekin

Almen Ikastolako DBHko taldea Gatz Bidean.

Eskoriatzatik Leintz Gatzagara dagoen PR-100, Gatz Bidea, arrakasta handia izaten ari da. Orain arte egin dutenen oso balorazio ona jaso dute bidea berreskuratu eta sustatzen ari diren gatzagarrek.

Andra Mari jaietan, Eskoriatzako eta Aretxabaletako 90 lagun inguruk egin zuten Gatz Bidea, eta orain, ikastetxeetakoak ari dira egiten. Irailaren 14an, Almen Ikastolako DBHko talde handi batek egin zuen txangoa –180 haur eta 10 irakasle–.

Martitzen honetan, berriz, Kurtzebarri Eskolako hamar eta Luis Ezeiza Herri Eskolako hiru irakasle izan dira bidea ezagutzen, Gatzagako hiru herritarrek gidatuta.

Horrez gainera, datorren astean Almen Ikastolako beste 200 bat umek egingo dutela jakinarazi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.