Domekan egingo dute martxa Aretxabaletan

Domekan egingo dute mendiko bizikleta martxa UDAko lagunek –09:00etan, Aretxabaletako plazan–. Ibilbide luzeak 45 kilometro izango ditu eta motzak 27. Horrekin batera, familiendako irteera ere egingo dute, Urkulura –10 kilometro–. Egunean bertan izena emateko aukera egongo da, 08:30ean hasita –izenematea 10 euro da denendako –14 urtetik beherakoak, doan–.