Zilarrezko domina Perezendako Munduko beteranoen txapelketan

Xabier Urtzelai 2018ko ira. 12a, 08:32

Malagan jokatu dute beterano mailako munduko atletismo txapelketa, eta master 35 kategorian (M35) Jonathan Perezek zilarrezko domina jantzi du. Hala, duela hilabete batzuk Europakoan lortutako lan ona berretsi du arrasatearrak.

Podiumeko bigarren postua eman dion 4,65eko saltoa egin du Jonathan Perezek Malagan, eta kontutan hartzeko moduko marka da, Stephane Diaz baino ez zen-eta bera gainditzeko kapaz izan, hamar zentimetro gehiagoko markarekin (4,75). Hirugarrena Pascal Couturier frantziarra izan zen (4,55).

Hala, Perezek 2018a borobiltzea lortu du Malagan, M35 kategorian pista estaliko denboraldian Espainiako txapelketa irabazi (4,73) –Euskadiko Txapelketan errekorra ezarri eta gero– eta Europako Txapelketan zilarra jantzita. Arrasatekoak pista estaliko denboralditik erretiroa hartzeko ordua zela adierazi zuen orduan, ikusteko dago aire librean ze asmo duen, pertika saltoa kirol jarduera zorrotza delako, eta kirol ibilbidean izandako lesioek buruhauste bat baino gehiago ematen dutelako. Hala ere, munduko txapelketara sasoi onean iritsi dela erakutsi du arrasatearrak. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak