Liga hasteko, puntu banaketa derbian

Gol aukerarik ez eta joko eskasa. Horrela laburtu daiteke Bergarak eta Mondrak jokatua duten derbia: 0-0. Lehiakorra izan da, baina, ikuslearendako aspergarria eta astuna. "Bizpahiru aste beharko ditugu txapelketari neurria hartzeko", esan dute bukaeran bi taldeetako entrenatzaileak.

Ohorezko Erregionala martxan dago. Hasiberria. Eta taldeak oraindik gutxi aritu dira. Hori guztiori oso agerikoa izan da Agorrosingo lehian. Bi taldeak oso motibatuta irten dira zelaira. Gogotsu, baina, hankak astunegiak dituzte oraindik.

Mondra eta Bergara ondo lehiatu dira, baina, ideia argi barik. Zelai erdiko jokoa oso nahasia izan da, huts askorekin. Hori horrela, erasoan jokatzeko arazo handiak izan dituzte bi taldeek.

Bigarren zatia oso antzerakoa izan da. Aldaera batekin: azken minutuetan askoz gehiago nahastu da jokoa. Hainbat jokalarik kalanbreak izan dituzte hankatan.

Atezaina, zorabiatuta

Partiduko sustoa Bergarako atezain Gorkak eman du. Mondraren erremate batean, baloia masailezurrean eman dio, eta lurrera erori da, zorabiatuta. Lau minutuz zelaian etzanda egon ostean, errekuperatu egin da eta aldageletarako bidea hartu du.

UDAK, galdu

Aretxabaletak ere gaur hasi du liga txapelketa Añorgaren kontra. 0-3 galdu dute Ibarran jokatutako norgehiagoka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.