Mikel Linazisoro, Munduko eskalada txapelketan, egubakoitzetik hasita

Xabier Urtzelai 2018ko ira. 6a, 19:51

Abuztu amaieran, Europako gazte mailako eskalada txapelketan lehiatu zen Mikel Linazisoro, Errusian, eta egun gutxian bergararrak berriro ere katu oinak jantzi eta nazioarteko txapelketa batera bueltatu da. Bergarakoak bihar, egubakoitza, hasiko du Munduko Txapelketa, sokako modalitateko kanporaketa saioekin.

"Txapelketa berezia izango da niretako, senior mailako eskalatzaileekin lehiatuko naizelako, eta oso pozik nago, bertan parte hartu ahal izate hutsa gauza handia da eta. 2018ko txapelketa garrantzitsuena izango da, kirol ekitaldi handiena, nahiz eta benetako helburua datorren hilean Argentinan izango dudan [Gazteen Olinpiar Jokoak]". 

Hori horrela, Linazisorok aitortu du txapelketa esperientzia hartzeko baliatuko duela: "Buenos Airesko txapelketarako hilabete eskas geratzen da, eta entrenamenduak hitzordu horretara bideratuta ditut. Hori horrela, lan bolumenagatik orain nekatu samar nago, baina ilusio handia daukat txapelketara begira".

Gaurko kanporaketa saioak gainditzen baditu, bihar, zapatua, izango ditu finalerdi eta finalak. Ondoren, irailaren 11n bloke-ko txapelketa izango du, eta irailaren 12an abiadura edo speed delakoa.  

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak