Ohorezko erregional mailako Mondra, Bergara eta Aretxabaleta denboraldiaurrean murgilduta dabitza, eta eurekin batera baita erregional preferenteko gainontzeko taldeak ere. Maila gorenean irailaren 8 eta 9ko asteburuan hasiko dute liga –derbia izango da– eta motorrak berotzeko, Arrasate Hiria txapelketa jokatuko dute oraingo zapatuan, irailak 1, Aloña Mendik, UDAk eta Mondrak.
Hamar egun eskas geratzen dira ibarreko futbol taldeek –ohorezko erregional mailan– liga has dezaten, eta hasierako asteetako lana prestakuntza fisikoan oinarritu eta gero, egun hauek lagunartekoak jokatzeko aprobetxatzen dabiltza talde guztiak. Bada, zapatuan, irailak 1, aurrez aurre izango dira Aretxabaleta, Aloña Mendi eta etxean jokatuko duen Mondra, Arrasate Hiria torneoaren 35. edizioan.
Ohi moduan hiruko torneoa izango da, eta partidu bakoitzak 45 minututako iraupena izango du.
Ordutegia:
- 16:30ean Aretxabaleta - Aloña Mendi
- 17:30ean Aloña Mendi - Mondra
- 18:30ean Mondra - Aretxabaleta
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
