Aste Nagusiaren baitan, Paseo Berriko 50. Zeharkaldia egin zuten atzo, eguaztena, eta Ion Mujikak lortu zuen markarik onena: 35 minutu eta 32 segundo behar izan zituen Zurriola eta Kontxa arteko ibilbidea osatzeko –ia hiru kilometro–. Bestalde, pasa den zapatuan, Zumaiako zeharkaldian ere bera gailendu zen.
"Zumaiako lasterketan oso sentsazio onak izan nituen, ia lasterketa guztia bakarrik egin nuen. Beraz, konfiantza neukan nire buruarengan, eta lasterketa lehiatzeko asmoarekin irten nintzen Donostian. Hamar igerilari inguru gindoazen buruan, eta kilometro baten faltan, erasoa jo nuen. Bi gelditu ginen, eta azken metroetan erabaki zen lasterketa, bost segundogatik irabazi nuen", azaldu du Mujikak.
Xabi Gordoa oñatiarrak ere lan txukuna egin zuen, eta zazpigarren sailkatu zen, 36 minutu eta 13 segundoko denbora erdietsita –Zumaiako lasterketan hirugarren postua eskuratu zuen–.
Emakumezkoetan, Amaia Iriarte nafarra izan zen onena –37 minutu–. Guztira 600 igerilari inguruk hartu zuten parte proban.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
